Iragan ostegunean aurkeztu zen
120 lagun inguru gerturatu ziren Oihaneder Euskararen Etxean ospatu zen ekitaldira. Bertan, mintzapraktika programaren komunikazio kanpainan parte hartu duen Asier Kidam magoak ikuskizuna eskaini zuen, euskara biderkatzeko hainbat truku eman zituen.
Ikasturte honetan, 26 tabernek hartuko dute parte ‘Mintzalagun Taberna’ egitasmoan. Euskarekiko duten konpromisoa berresteaz gain, mintzalagun taldeei euskara praktikatzeko leku lasaia eta egokia eskaini nahi diete zerrenda osatzen duten tabernek.
Azkenik, lehendabiziko zenbaketaren arabera, 600 lagunetik gora eman du izena Gasteizko Mintzalagunean. Hori dela eta, taldekatze prozesua azaroaren amaiera arte luzatuko da. Hala ere, dagoeneko talde batzuk hasi dira astero astero elkartzen.
MINTZALAGUN TABERNA · GASTEIZKO MAPA
