Argazkiak: PHOT.OK
"Egokitzeko garaia" dela azpimarratu dute hainbat nekazarik eta abeltzainek igandean Gaubean egin den 33. Angostoko Azokan. Izan ere, udako lehorteek eta baita otsoaren erasoek ere kalte handiak eragin dituzte Araba mendebaldeko hainbat ustiategitan eta lehen sektorean daudenen lana arras zaildu dute.
Udaldiari agur esateko azoka elkargune bilakatu da askorentzat, eta postuz postu ibili dira ehunka lagun tokiko ekoizleek prestaturiko gozoen eta gazien artean. Iñaki Viñaspre eta Aroa Arrizubieta bertsolariek alaitu dute goiza, eta txikienek Kulkirekin herri kiroletan eta hainbat tailerretan parte hartzeko aukera izan dute.
Aldarrikapenerako tartea ere izan da Gaubea-Palestina taldeak deitu duen mobilizazioan.