Gaubeako Udalak debekatu du San Martin de Valparaison eskalatzea. Astelehenean ezarri zuen debekua, eta momentuz ez dute iragarri noiz arte mantenduko duten, baina bai esan dute ziurrenik irailaren erdialdera arte eskalatzaileak ezingo direla bertara hurbildu.
Udalaren iturriek azaldu dutenez, "aurrekontu handiko" pelikula bat grabatuko dute bertan udan zehar eta horregatik itxi dute sarbidea filmatze lanak garatu bitartean.
Valparaisok eskalatzaile ugari erakartzen ditu Gaubeara uda partean, ia egun osoan itzalean eskalatu baitaiteke eta toki atsegina da kirola praktikatzeko.