50 urteko gizonezko bat hil da gaur arratsaldearen hasieran Aprikanoko (Kuartango) trenbide-pasagune batean, tren makina batek gizonezkoak gidatzen zuen autoa harrapatu duenean.
Hesirik gabeko pasabide batean gertatu da istripua, oraindik argitzeko dauden arrazoiak tarteko. Autoan zihoan pertsona bakarra zen. Ezbeharraren ondorioz, Bilbo eta Miranda Ebro arteko tren zirkulazioa bertan behera utzi du ADIFek. Ertzaintzak ikerketa abiatu du.