Bergantzuko 35 bizilagunak tokiko energia komunitate berrira konektatu dira gaur. Modu horretan, kontzejuko biztanleen %80k etapa berri bati ekin diote jasangarritasunaren arloan, eta herriaren gehiengoak iturri berriztagarrietatik sortutako elektrizitatea kontsumituko du, kostuak eta emisioak murriztuz.
Bergantzuko Administrazio Batzarrak bultzatutako ekimenak 48.300 euroko laguntza jaso du Next Generation Europako Funtsetatik eta komunitateko bazkideen ekarpenekin osatu da aurrekontua. "Proiektu eraldatzailea da, jasangarriagoa eta, batez ere, komunitate indartzen du", adierazi dute administrazio batzarretik. Gaineratu duenez, harro daude auzokideen arteko lankidetza, berrikuntza eta ingurunearekiko errespetua uztartzen dituen ideia bat aurrera atera dutelako.