Tximista batek hiru mila metro karratuko lursaila erre duen sute bat eragin du Karkamuko Venta Burguillos inguruan. Astelehenean gertatu da ezbeharra, 18:00ak aldera.
Kiskali den lursaila zerealez beteta zegoen, baina ordurako jasota zegoen. Espejo eta Langraiz Okako parkeetako suhiltzaileak bertaratu dira sua itzaltzeko, Gaubeako babes zibileko boluntarioen laguntzarekin.
Arriskua
Gogoratu behar da asteartean abisu laranja eta asteazkenean abisu horia dagoela baso sute arriskuagatik, 00etatik 24etara. Baso sute arriskua nahiko altua da, tenperatura altuagatik eta hezetasun erlatibo baxuagatik.