Pobesko egoitza berriaren kudeaketa esku pribatuetan utzi izana salatu dute

Gaur inauguratuko dute Pobesko egoitza berria. / ALEA

1.500.000 euroko inbertsio publikoaren eta hamar urteko obren ostean, Pobesko egoitza berria kudeaketa pribatukoa izango dela salatu du EH Bilduk.

Gaur, irailaren 16an, inauguratuko dute Pobesko egoitza berria, eta EH Bilduren udal taldeak salatu du Arabako Foru Aldundiak eta Erriberagoitiko Udalak esku pribatuetan utzi dutela kudeaketa, "azken hamarkadan altxortegi publikoko 1.500.000 euro inbertitu" ostean.

"Bi erakundeek kudeaketa publikoaren aldeko konpromisotik ihes egin eta inguruko adinekoen zainketen pribatizazioa bultzatzen dute", kritikatu du EH Bilduko bozeramaile Josepe Martiodak. "Erriberagoitiko Udaleko eta Arabako Foru Aldundiko EAJren gobernuek, arduragabe, gizarte zerbitzuak kudeatzeko negozio biribila pribatizatu dute, haren kalitatearen kontura, isilpean eta gorritu gabe".

Gainera, Martiodak esan du zerbitzuaren pribatizazioak "Erriberagoitiko adinekoei zainketen kalitatearen bermea ukatu egiten diela, gure adinekoekiko duintasuna eta errespetua larriki urratuz, Arabako beste eskualde batzuetan ez bezala".

Azkenik, EH Bilduk deitoratu egin du Erriberagoitia alkateak inaugurazioan parte hartzea: "Erriberagoitia osoari iseka egingo dio".

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide