Ostegun honetako 03:30ak aldera, Miñoien Ataleko baliabide batek eraikuntzako makinak aparkatuta zeuden leku batetik irteten ikusi duen furgoneta bat geldiarazi du Iruña Okako Mentevite auzoan.
Ertzaintzaren patruila batekin elkarlanean, furgoneta aztertu eta 24 ontzi aurkitu dituzte atzekaldean. Bertan, erregaiz betetako hamaika ontzi topatu dituzte, guztira 25 litro gasoliorekin; horrez gain, bateriadun ponpa xurgatzaile bat, diametro ezberdinetako hainbat mahuka, zulatzeko bi makina, ebakigailu erradial bat, linternak eta beste hainbat erreminta aurkitu dituzte furgonetan.
Bitartean, Ertzaintzaren beste patruila batek egiaztatu du inguruan aparkatuta zeuden eraikuntzako hiru ibilgailutako tapak bortxatuta zeudela, eta ibilgailuen azpian gasolio arrastoa zegoela.
Horren aurrean, Ertzaintzak ustezko bi lapurrak atxilotu egin ditu, indarrez lapurreta egitea egotzita. Atxilotuak Ertzaintzaren Lakuako egoitzara eraman dituzte, polizia-eginbideak abiatzeko. Bi atxilotuak goizean zehar eraman dituzte Gasteizko Guardiako Epaitegira.