Ipuinen jaialdia antolatu du Badaiako lorategi botanikoak

Erredakzioa 2021ko uzt. 15a, 15:34
Ane Gebara ipuin kontalaria izango da Badaiako lorategi botanikoan.

Festipuin jaialdiaren lehen edizioan lau ipuin-kontalari arituko dira, uztailaren 24an eta 25ean, Trespondeko lorategian.

Badaiako Santa Katalinako lorategi botanikoak Festipuin izeneko ipuinen jaialdia antolatu du uztailaren 24an eta 25ean. Jaialdian izango diren ipuin-kontalariak lorategiaren toki desberdinetan kokatu dira, kontakizun bakoitzaren edukiarekin lotuta. Larunbatekoa egun osoko jardunaldia izango da, eta igandean, berriz, eguerdira arte izango dira ipuinak lorategian.

Larunbatean, 11:00etan, izango da ongietorria. Ondoren, ipuinen jatorria eta sinbologiari buruzko azalpenak emango dizkie Arantza Corderok parte-hartzaileei. Goizeko eta arratsaldeko saioetan Mar Gonzalez Novell ipuin-kontalari katalanak Libros: Guardianes de la naturaleza liburuarekin parte hartuko du; Iñaki Carreterok Agua, fuego aire y tierra: Amalurra aurkeztuko du; eta Ane Gebarak Inguruko egi eta gezurrak eramango du lorategira. Igandean, berriz, Novell eta Carreterorekin batera, Aitor Vinagret izango da Otsoaren mokaduak ipuinarekin.

Jaialdiarekin batera, umeentzako tailerrak egingo dira lorategian, historiak sortzeko eta marrazteko.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide