Sute bat piztu da Langraiz Okako Fiasa lantegian

Erredakzioa 2021ko eka. 30a, 08:30
Asteazken goizaldean bertaratu dira Arabako suhiltzaileak. / Argazkia: @BomberosAraba

Arabako suhiltzaileek sute bat itzali behar izan dute bart gauean Langraiz Okako Subillabide industrialdeko Fiasa lantegian, 1:00ak aldera. Suaren ondorioz, 40 bat langile irtenarazi behar izan dituzte eraikinetik.

Segurtasun Sailak baieztatu duenez, 1:10 aldera jaso dute abisua, eta berehala bertaratu dira Larrialdi Zerbitzuak, Ertzaintza, Arabako Foru Suhiltzaileak eta osasun zerbitzuak. Sutea biltegi batean piztu da, eta ez du zauriturik eragin, gaueko txandan lanean zeuden 40 langile inguru irtenarazi behar izan dituzten arren.

Fiasa (Fundiciones Inyectadas Alavesas S.A) enpresa siderurgikoa 1962an sortu zen, eta pieza metalikoak ekoizten ditu presiozko moldekatzearen bitartez. Gaur egun 250 langile inguru ditu Subillabide industrialdeko lantegian.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide