Maiatzaren 19an, Gaubeako Estulizko gaztelua hobeto ezagutzeko lehen urratsak egingo dira, eta modu horretan behingoz eraikuntza hori noiz altxatu zuten argitu ahal izango da. Lanak EHUko Ondare Eraikiaren Ikerketa Taldeko kideek egingo dituzte, Jose Luis Solaun arkeologoaren zuzendaritzapean.
Arabako Erdi Aroko gazteluen jatorria eta funtzionaltasuna ezagutzea helburu duen ikerketa-proiektu zabalago baten barruan kokatzen da Gaubeako esku-hartzea. Indusketa lanek irauten duten bitartean –astebete gutxi gorabehera–, bisitatu ahal izango dira.