Aste Santuan Arabako paraje asko gainezka egon dira. Autoak, autokarabanak eta furgonetak herrialde osoan barreiatu eta pilatu egin dira, eta herri txikien ohiko lasaitasuna hautsi dute. Kanpezutik Uribarri Gaubearaino, ibilgailu turistikoentzat egokitutako espazioak bete dira, eta parke naturaletan ere tokirik gabe gelditu dira. Jendetzak kalteak sortu ditu, besteak beste, Bergantzun, Uraren Ibilbidearen sarbidean; auto asko landaturiko soroetan sartu dira aparkatzeko, eta nekazarien lana hondatu dute. Berrogeita hamarretik gora isun jarri behar izan ditu Ertzaintzak egun bakarrean. Hori dela eta,"inbasioa" gelditu eta jendetza mugatzeko neurriak iragarri ditu Udalak. Lehena aparkalekua egokitu eta tasa bat kobratzea izango da.
Irudiak
Ibilgailuen uholdea Arabako herri eta bazter askotara zabaldu da Aste Santuan zehar. Arabako Kontzejuen Elkarteak, besteak beste, Amurrion edo Arraia-Maeztun gertatutakoa salatu du:
Y... ???? así estaba la carretera que une los #concejos de #SanRomanCampezo y #Korres ???? #ArraiaMaeztu @mendialdeatour pic.twitter.com/lvc36sp8gU
— ACOA-AKE (@AcoaAke) April 6, 2021