Martxoaren 17az geroztik Langraiz Okako bi tabernatan izan direnei PCR proba egitera joateko eskatu die Eusko Jaurlaritzaren Osasun Sailak, koronabirus kasu batzuk antzeman eta gero. Hain zuzen, Kronos eta Siglo XXI establezimentuetan izan direnei egin diete deia.
Udalerriko kontsultategira joan beharko dute, aldez aurretik hitzordua eskatu gabe. PCR probak egiteko lekua kontsultategian paratuko dute; ostegunean eta ostiralean, martxoaren 25ean eta 26an 10:00etatik 17:00etara.