Berantevillako zinegotzi baten ibilgailuari eraso egin diote

Berantevillako Udala BAI talde independenteak gobernatzen du. AFA

Udal gobernuan dagoen talde independenteak iradoki du herriko instalazioetan, Covid-19aren ondorioz, ezarri diren murrizketak egon daitezkeela erasoaren atzean.

Udala gobernatzen duen Berantevillako Alternatiba Independentea (BAI) taldeak salatu du, iragan irailaren 6an, taldeko zinegotzia den Sandra Mulasen ibilgailuaren kontrako erasoa egin zutela ezezagunek. Udal gobernuak herriko azpiegituretan osasun neurriak bermatzeko ezarri dituen murrizketekin lotu du gertaera BAIk prentsa ohar batean. "Gure taldekideak, zinegotzi moduan, udal instalazioen erabileraren murrizketak iragartzen zituen kartelak jarri eta gero horrelako zerbait jazotzea susmagarria iruditzen zaigu".

Taldeak berretsi du horrelako erasoak ez dituela onartuko, "publikoki salatuko ditugu beti". Halaber, dei bat egin du "pandemia egoera honetan" udalerrian elkarbizitza zaintzeko. "Bizi dugun egoera oso desatsegina da bizilagun guztientzat, eta sarritan gustuko ez ditugun erabakiak hartzera behartuta gaude, baina errepresaliak hartzeak ez du laguntzen".

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide