alea.eus

Komunioiko kartelaren euskarazko izena ezabatu dute

Estitxu Ugarte Lopez de Arkaute 2018-11-30 12:29   Gizartea  Añana  Lantaron

Batzar Administratiboak eta ehun bat bizilagunek salatu dute euskararen kontrako erasoa.

Komunioiko kartelaren euskarazko izena ezabatu dute
Komunioiko kartelaren euskarazko izena ezabatu dute. KOMUNIOIKO KONTZEJUA | Ikusi handiago | Argazki originala

Herriko sarrerako kartelean euskaraz idatzitako izena ezabatu dutela salatu dute Komunioiko Batzar Administratiboak eta ehun bat bizilagunek. "Gure herriaren izena eraso dute eta baita gure hizkuntza ere, are gehiago gure jarrera beti elkar errespetatzea izan denean. Komunioin soberan daude halako ekintzak eta jarrerak".

Komunioiko herritarren ustetan "paradoxikoa" da Euskaraldiarekin batera hau gertatzea, eta nabarmendu dutenez, erantzun aproposena "gure hizkuntza erabiltzea eta seinaleari jatorrizko itxura itzultzea izango da". 

Ezabaketa gehiago

Komunioin bezala, Añanako beste hainbat tokitan agertu dira azken egunetan herrietako euskarazko izenak erdi-ezabatuta, hala nola Subijana-Morillasen Kuartangoko eta Karkamuko noranzkoak markatzen dituzten kartelak edo Karkamu herriko sarreran dagoena.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa