alea.eus

Ana Belen Jimenez gogoratu dute, hilketaren lehen urteurrenean

Erredakzioa 2018-10-03 17:05   Gizartea  Añana  Erriberabeitia

Kontzentrazioa egingo dute 20:00etan Gasteizen hilketa matxista salatzeko.

Ana Belen Jimenez gogoratu dute, hilketaren lehen urteurrenean
Erriberabeitiko Udalaren aurrean egin dute elkarretaratzea gaur. | Ikusi handiago | Argazki originala

Ana Belen Jimenezen hilketa matxistaren lehen urteurrenean emakumearen familiak eta lagunek elkarretaratzea egin dute, Erriberabeitiko udaletxearen aurrean. Halaber, kontzentrazioa egingo dute, gaur 20:00etan, Gasteizko Andre Maria Zuriaren Plazan emakumea gogoratzeko eta hilketa matxistak salatzeko. 

Iragan urrian hil zuten Jimenez; Miranda de Ebron aparkatuta zegoen auto batean aurkitu zuten emakumearen gorpua, indarkeria zantzuekin. Ordu gutxitara atxilotu zuten haren bikotekidea, Gasteizen, lantokian, eta espetxeratzeko agindua eman zuen epaileak, hilketa egotzita.

Emakumea Gasteizkoa zen sortzez, baina Lantaronen bizi zen, eta Ribabellosan lan egiten zuen. 15 eta 18 urteko seme-alaba bi zituen hil zutenean. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa