Euskal Herriko Itzuliak hirugarren egunean sartu da gaur. 184 kilometroko etapa izango da gaurkoa, Bermeon (Bizkaia) hasita eta Gaubean bukatuta. Eguerdia pasata aterako dira txirrindulariak kostaldetik, eta bidean hiru mendate igo beharko dituzte.
Eguerdiko 14:30ean Araban sartuko da lasterketa, eta Amurrio zeharkatu ondoren Bizkaira bueltatuko da, Urduñara, hain zuzen. Barrerilla mendatea igo ondoren, Izarratik igaroko da Itzulia. Besteak beste, Kuartango, Gesaltza Añana eta Espejo zeharkatuko ditu, eta Uribarri Gaubean amaituko da. Arratsaldeko bost eta erdietatik aurrera espero da Itzulia helmugara iristea.