Programaren edukia berritu da eta proposamen berriak sartu dira, hala nola bisita antzeztuak eta ibilbideak ibilgailu elektrikoz egiteko aukera, mugikortasun urria dutenentzat. Halaber, lantegi didaktiko berriak eskainiko dira, lorategiko tximeletak ezagutzeko, sukaldean fruta eta barazki gordinak prestatzen ikasteko eta yoga familian egiteko.
Bisita antzeztuak hilaren lehenengo igandean egingo dira, apirilaren 8tik aurrera, eta aukera aparta izango da era desberdin eta erakargarrian ezagutzeko Santa Katalina lorategi botanikoaren sekretu guztiak, lorategiaren historia eta han dauden bost kontinenteetako milaka lore eta landareak. Bisitak arreta handiz diseinatu dira, helduek zein haurrek goza ditzaten.