Trafikoa moztuko dute N124 errepidean eta errepide horretara A2120 errepidetik sartzeko erreian ere. Berantevilla eta AP68 errepidea lotuko dituen lotunearen gaineko pasabideko habe metalikoak eta kofratua kentzeko moztu beharko dituzte errepideak. Izan ere, lanak zailtasun handiak ditu (15 metro luzera eta bi tonako 20 habe mugitzea), eta ezinbestekoa da trafikoa murriztea.
Lan horiek N124 errepidea hobetzeko eta Berantevillako saihesbide berria eraikitzeko obren barruan sartzen dira Gauez egingo dituzte trafiko gutxiago egoten delako. N124 errepideko trafiko mozketak bi norabideetan izango dira. Printzipioz, mozketak ez dira 15 minutu baino gehiagokoak izango. Horretaz gainera, eta aurreikusitako lanak egiten diren artean, debekatuta dago garraio bereziko ibilgailuak N124 errepideko tarte horretatik ibitzea.
Trafikoa aldizka moztuko dute N124 errepidean
N124 errepidearen trafikoa aldizka moztuko dute bi norabideetan. Mozketak asteazkena eta ostirala bitartean izango dira, 22:30etik 05:30era arte.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.