Lainoari eta izotzari aurre eginez, hitzordua egin dute gaur, Espejoko Omecillo ibaiaren erriberan, Gasteizko Egibide ikastetxeko gazteek eta Gaubeako Gobea eskolako haurrek. Herriko atseden gunearen eta igerileku naturalaren inguruan, lehen zegoen makaldian, zuhaitz berriak landatu dituzte, ibaiaren erriberak berreskuratzeko asmoz. Tokiko arbolak landatu dituzte bertan, Lantarongo pinazi-pinuaren aleak, arteak, erkametzak, sagarrondoak, ezkiak eta serbalak, besteak beste.
Ingurunea berreskuratzeko asmoa Espejoko Batzar Administratiboaren ekimena izan da, Gaubeako Udalaren laguntzarekin. Diputazioaren Ingurumen sailak ere parte hartu du zuhaitz landaketan.