alea.eus

Igandean ospatuko dute ohiko Angostoko Azoka

Estitxu U. Lopez de Arkaute 2017-09-01 15:34   Kultura  Añana  Gaubea

Igande honetan Angostoko santutegiaren inguruko zelaietan tradizio handiko azoka ospatuko dute gaubearrek.

Igandean ospatuko dute ohiko Angostoko Azoka
25. urteurrena ospatu zuen iaz Angostoko azokak. PHOT.OK | Ikusi handiago | Argazki originala

Angostoko Azokak 26 urte beteko ditu aurten. Erdi Aroko ganadu azoka hau iragan mendean desagertu zen, nekazal eremuko lanaren mekanizazio prozesua hasi eta Gaubeako herriak jendez husten hasi zirenean. Alta, 60. hamarkadan Añanako Nekazaritza Garapenerako Elkarteak jaia berreskuratzea erabaki zuen; batetik hiriko biztanleak nekazaritza eremura erakartzea nahi zuten, eta Gaubeako zein Añanako ekoizleen produktuak zabaldu; bestetik, oso sakabanatuta dauden herrien biztanleen artean topagune bat  sortzeko asmoa zuten.

Hala, igande honetan ekoizle ugariren produktuen erakusketa eta azoka izango da; bereziki, nekazaritza eta elikadurako produktuak eskainiko dituzte, hala nola, euskal pastela, gaztak, taloak, hestebeteak, kontserbak, ogia, eztia eta gatza. Horrez gain, txahalki eta pataten herri dastatzea antolatu dute, Boilurreko sukaldarien laguntzarekin. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa