Arabako Foru Aldundiak askatu dituen bi txita horiek Frantziako zentro batean hazitakoak dira, eta 45 eta 50 egun inguru dituzte. Bachicabo haitzarteko leku helezinean habia artifizial batean utzi dituzte. Inguruko hainbat herritarrek parte hartu dute askatze ekitaldian; herritarrek erabaki dute hegaztiak Gaube eta Mati bataiatzea. Azken izen hori berriki, oraintsu, hildako nekazari gazte baten omenez.
Europako LIFE Bonelli proiektuaren harira askatu dira bonelli arranoak. Proiektu horretan parte hartzen du Arabako Foru Aldundiak, eta asmoa du espeziea, gainbeheran dagoena, berpiztea. Mendialdean, Antoñanan, hain zuzen beste bi txita askatu zituzten iragan astean. Bonelli arrranoa espezie mehatxatua da. Europako Bonelli arranoen %80 Iberiar penintsulan daude.