Udaletxearen aurrean egingo dute kontzentrazioa Gaubeako bizilagunek Garoña itxi betiko lemapean. Udalaren osoko bilkurak –soilik PPren kontrako botoekin– Garoña eraistea eskatzen duen mozio bat onartu zuen iragan astean. Testuan gogoratu dute zentral nuklearra udalerritik hiru kilometrora dagoela; halaber, Eusko Jaurlaritzari adierazi diote zentrala eraistea ez dela negoziagarria, eta eskatu diote Garoña behin betiko ixteko, eskura dituen legezko ekinbide guztiak abian jarrita.
Halaber, Gaubeako Udalak konpromisoa hartu du hornidura elektrikoa energia berriztagarriak soilik merkaturatzen dituzten taldeekin kontratatzeko.