Orain arte bi sagardotegik osatzen zuten Arabako sagardogileen eskaintza: Askartzako Trebiñuko Koldo Markinezek gidatzen duena eta Aramaioko Iturrietako Juanjo Peciñarena. Urterik urtera, txandakatzen joaten ziren denboraldiari hasiera emateko. Aurten, ordea, Zuhatzu Kuartangoko bainuetxe zaharrean Benito Peciñak eraiki berri duen Kuartango sagardotegiari eman diote lekukoa.
Kuartangoko jatetxea egitasmo handiago baten zati txiki bat baino ez da. Hala, 50.000 litro sagardo egiteko upategia martxan jarriko dute, eta epe ertainera begira sagardoaren interpretazio zentroa zabaldu nahi du Peciñak Zuhatzu Kuartangon.