Jaia goizeko 10:00etan hasiko da, Pobeseko frontoiaren inguruan. Arabako 'eusko label' babarrun pintoaren eta 'euskal baserri' lekaleen erakusketa eta salmenta egongo da. 10:30ean ganadu ederrena saritzeko lehiaketa zabalduko dute, baita ganadu eta nekazal makinen erakusketa ere. 11:45ean herri kirolen saioa hasiko da, aizkolariek eta harrijasotzaileek parte hartuko dute.
Dastaketa 13:00etan izango da, eta 13:15etan IV. irrintzien txapelketa egingo dute. 18:00etan pilota partidak hasiko dira.