Udalak lehiaketa publikoa zabalduko du orain modu jasangarrian ekoiztutako energia berriztagarria kudeatzen duten enpresen artean hornitzaile berria aukeratzeko. Halaber, udalerriko biztanleei gonbidapena luzatuko die gauza bera egiteko.
EHBilduko zinegotzi Josepe Martiodak iragan ostegunean aurkeztu zuen mozioa onartu ondoren egingo da aldaketa Erriberagoitian. EAJko lau zinegotziek, PPkoak eta EHBildukoak energia garbien aldeko bozka eman zuten eta independentea abstenitu egin zen.
Hogeitasei herrik eta 750 biztanlek osatzen dute Erriberagoitia udalerria. iberdrolarekin harremana eteten duen Arabako hirugarren udala da. Euskal Herrian 25 dira jada energia berriztagarriak kudeatzen dituzten enpresen alde egin dutenak.
