Arabako beste eskualdeetan ere arazo ugari sortu dituzte gaur goizean elurrak eta euriak. Hala, Zadorra ibaia alerta laranjan dago. Gainera Arabako Foru Aldundiak ohartarazi duenez ur putzuengatik edo ibaiek errepidea hartu dutelako moztuta daude honako errepide hauek: A-3006 errepidea Larrabean, A-3022 Gebaran, A-3310 Mimbredon, A-3322 errepidea Tuyo eta Argantzun artean, A-4302 Margaritara sartzeko eta A-4356 Andagoian. Bestalde, ibaiek nekazarien soroak hartu dituzte jada eta errepideetan ere ur putzu handiak sortzen ari dira euritearen ondorioez. Halaber, lur jauziak gertatu dira han eta hemen.
Beste alde batetik, Uribarriko urtegiaren ateak ixteko agindu dute Zadorraren arroan uholdeak ekiditeko.