Melledes eta Manzanos arteko A-4340 errepide tartea zabaltzeko eta hobetzeko 1,5 milioi euro inbertituko ditu Arabako Foru Aldundiak. Horrela, bihurgune ugari eta itxi eta zoru hondatua dituen bidearen erabiltzaileei bidaia seguru eta erosoagoak eskaintzeko. Ohikoa da inguruko herrien arteko eskola garraioak errepide hori erabiltzea.
Diputatuen Kontseiluak behin betiko onartu du errepide horren egokitzapena eta obrak lizitatu eta esleitu egingo dira. Bide Azpiegituren eta Mugikortasunaren Sailak bultzatutako proiektu horrek Melledes eta Manzanos arteko 2,3 kilometroak egokitzea du helburu; hau da, bost metro eta erdi zabal izango den galtzada bat egitea.
A-4349 errepidearekin bat egiten duen lekuan hasten da A-4340 errepidea eta Melledes herrian amaitzen da. Rivabellosa eta Quintanilla de la Ribera eta Melledes (Erriberabeitia) lotzen ditu.
Modu honetan, jarraipena emango zaie Rivabellosa eta Melledes arteko bide tartea egokitzeko lanei.