Desokupacionlegal.com izeneko enpresa Luiaondora hurbildu da gaur, Aiaraldea komunikabideak jakinarazi duenez, etxe bat legez kanpo husteko asmoarekin. Lekukoen arabera, etxera indarrez sartu dira eta kanporatu egin dituzte barruan zeuden lagunak.
Aiaraldea Komunikabideko kazetari bat irudiak hartzen ari zenean, desokupazio enpresako kideek "mugikorra bota, eskua zapaldu eta mehatxuak bota dizkiote". Polizia etxean salaketa jarri du jada kazetariak, jakinarazi dutenez.