Amiantoagatik itxi egin dituzte Laudioko Granjako igerilekuetako aldagelak

Erredakzioa 2024ko mai. 2a, 09:58

Granjako igerilekuaren aldagelak itxita daude. Argazkia: IREKIA

Garbiketa lanak amaitu eta instalazioen segurtasuna ziurtatu ondoren, berriro irekiko dituzte.

Laudioko Granja kiroldegiko igerilekuetako emakumezkoen eta gizonezkoen aldagela komunak itxi ditu Udalak, "amianto zuntzdun fibrozementua dagoelako eta osasun arriskua eragiten duelako". Udalak amiantoa kentzeko lanak enpresa espezializatu bati eman dizkio dagoeneko, eta lanak amaitzen dituztenean ohartaraziko dute.

Egoeraren berri eman diote udal arduradunek Osalani, Eusko Jaurlaritzako Laneko Segurtasun eta Osasunerako Euskal Erakundeari, eta datozen egunetan nahitaezko ikuskapena egin eta behar diren lanak programatu beharko ditu. 

Ostiral arratsaldean, amianto zuntzdun fibrozementua atzeman zuten gizonezkoen aldagela arruntan, eta berehala itxi zuten. Era berean, udalak enpresa espezializatu bati agindu zion instalazioak ikuskatzeko, eta larunbat goizean emakumeen aldagela komunean amiantoa zegoela ere ikusi zuen. Hori dela eta, aldagela hori ere berehala itxi zuten. 

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago