Igande honetako goizaldean, 04:00ak aldera, Ertzaintzaren Amurrioko patruila batek auto bat motelegi zihoala ikusi zuen. Gidariari gelditzeko agindua eman zioten, baina hark ez zien jaramonik egin. Ertzainen arabera, bat-batean abiadura bizkortu zuen, eta agenteetako batek alde batera egin behar izan zuen autoak harrapa ez zezan. Arau-hausleak jarraibideak desobeditzen jarraitu zuela ikusita, azkenean atxilotu egin zuten.
Ertzainek inplikatua identifikatu zuten, baina 41 urteko gizonezkoa oinez ihes egiten saiatu zen, agenteei eraso eginez. Hortaz, agenteen aurkako atentatuaren delitua eta bide-segurtasunaren kontrako delitua leporatuta, atxilo eraman zuten polizia-egoitzara, dagozkion eginbideak hasteko. Horiek amaitu ondoren, Amurrioko Guardiako Epaitegiaren esku utzi zuten.