Capital Energy enpresak Jesuri mendilerroan, Laudio eta Orozko arteko lurretan, 200 metroko bost aerosorgailu instalatzeko proiektua du abian.
Maite duzuna zaindu ezazu lelopean, Arabako Mendiak Aske plataformak hainbat mendi martxa antolatu ditu ikasturte honetarako, gure lurraldeko proiektu eolikoetako batzuen aurka. Martxa horietako lehena Jesuri mendira egin dute, bertako proiektu eolikoak "ingurumenerako kalteak" eragingo dituela salatzeko.
"Egun egiten diren abeltzaintza, basogintza eta aisialdi jarduerak galaraziko ditu, hegaztien migrazio bideak etengo ditu, kutsadura akustikoa eragingo du, eta olio isurketekin lurra kutsatuko du", ohartarazi dute, eredu energetiko "soziala, berriztagarria, eraginkorra, benetan banatua, ez pribatizatzailea eta bideodibertsitatearen suntsitzailea ez dena" aldarrikatuz.