[KULTUR BASERRIA] 'Igor Arzuaga eta lagunak'

Gure abeltzainak eta nekazariak ezagutu eta kulturaren hari ederrarekin josteko ekimena da Kultur Baserria. Ekoizleak euren baserrietan bisitatu, euren lan egiteko modua zein filosofia bertatik-bertara ezagutu, eta ekoizten dituzten produktuekin otordua egin ostean, Aiaraldeko kultur-sortzaileen emanaldietaz gozatzeko ekimena.

Kultur-Baserriko lehenengo jarduera honetan, Itxinapeko Okela ezagutuko dugu Orozkoko Albitzu auzoan, eta Igor Arzuaga eta lagunak izango dira, kortaren gerizpe gozagarrian, soinu banda jarriko diotenak egunari. 

12:30ean: Ongi etorria eta mokadua

13:00etan: Bisita gidatua baserrian

14:30ean: Bazkaria (menu orojalea)

16:30ean: Igor Arzuaga eta lagunak musika emanaldia

Eguneko sarreraren prezioa (bisita, otordua eta kontzertua): 

- Helduak: 20 euro

- Haurrak (12 urtetik beherakoak): 12 euro

Izen emateko azken eguna: Uztailak 28.