Hainbat hilabete desalojo arriskuan izan ostean, astelehen honetarako ezarri dute Laudioko Gaztetxea utzarazteko hitzordua. Polizia "edozein unetan" bertaratu zitekeela ohartaraziz, goizeko lehen ordutik, 60 bat gazte bildu dira okupatutako espazioaren inguruan, protesta egin eta balizko desalojoari aurre egiteko asmoz.
Besteak beste, Gaztetxea dagoen Lamuza parkeko ateak itxi dituzte gazteek, eta parean dagoen Zumalakarregi etorbideko errepidea moztu dute. Horren ondorioz, Udaltzaingoa bertaratu da, trafikoa bideratzeko; 11:00ak aldera, berriz, Ertzaintza agertu eta bertan zeuden gazteen aurka oldartu da.
Laudioko Gaztetxeak elkarretaratzea deitu du arratsalderako, 19:00etan Herriko Plazan, Erasoen aurrean gaztetxea aurrera! lelopean. "Desalojo data eta ordu zehatzik gabe protesta herriko kaleetara eramatea erabaki da. Udalaren asmoa desalojoa isilean eta erantzuteko aukerarik gabe gauzatzea zen, baina tentsioa kaleetara eramatea lortu dugu", azpimarratu dute.
Argazkiak eta bideoak
Bertatik bertara informatzen izan dira Aiaraldea Gaur eta Gedar.eus hedabideak, eta Ertzaintzak bi kazetari identifikatu ditu. Hala ere, bi hedabideek gertatzen ari denaren berri ematen jarraitu dute:
Parkeko ateak ere itxi dituzte gazteek pic.twitter.com/FJrg1CAbRG
— Aiaraldea.eus (@aiaraldea) June 13, 2022
Zumalakarregi etorbidea moztu dute gazteek pic.twitter.com/KCE8WZ33bo
— Aiaraldea.eus (@aiaraldea) June 13, 2022
Ertzaintzak @LaudioGaztetxea -ren aurkako protestaren berri ematen ari diren bi kazetari identifikatu ditu pic.twitter.com/G38Fcydait
— Aiaraldea.eus (@aiaraldea) June 13, 2022
[JARRAIPEN BEREZIA] Gaurko dago ezarrita @LaudioGaztetxea|ren hustea. Bertaratzeko deia egin dute gaztetxeko kideek pic.twitter.com/WaeVsAbN7n
— Gedar.eus (@GedarLangileKZ) June 13, 2022
Desalojoaren aurka protesta egiten ari direnen aurka oldartu dira ertzainak pic.twitter.com/QkZcdxa8Fp
— Gedar.eus (@GedarLangileKZ) June 13, 2022
Ertzainen kargako irudi gehiago pic.twitter.com/Qn6VHvTvl6
— Gedar.eus (@GedarLangileKZ) June 13, 2022