Ekainaren 13ko 00:00ak: hainbat hilabete desalojo arriskuan izan ostean, Laudioko Gaztetxeko asanbladak jakinarazi du hori dela espazioa utzarazteko ezarritako behin betiko hitzordua; hau da, igandetik astelehenerako gaueko hamabietan, lokala hutsik egon beharko da.
Ondoren, astelehenetik aurrera, "edozein unetan" bertaratu daiteke Polizia, espazioa hustu eta sarraila aldatzeko. Gazte Asanbladak Aiaraldea Gaur hedabideari azaldu diotenez, asteazken honetako goizean jaso dute Udalaren ohartarazpena, prozedura administratiboa ebatzita.
Horren aurrean, Laudioko Gaztetxea defendatzeko dei egin dute, eta datozen egunetan zehaztuko dituzte hitzorduak.
⚠️⚠️GAZTETXEA HUSTEKO DATA HELARAZI DIGUTE. EKAINAREN 13AN GAZTETXEA DEFENDA DEZAGUN! pic.twitter.com/Ow483UhEwM
— Laudioko Gaztetxea (@LaudioGaztetxea) June 8, 2022