Luaiondon ospatuko da Aiaraldeko euskararen egun bateratua. Goizean saskibaloi eta futbito txapelketak, kultura azoka, umeentzako ekintzak izango dira. Eguerdian 'Tabernaria: Instrukzioak botatzeko ondo kaña bat' antzezlanaren bi saio egingo dituzte, 12:00etan eta 13:30ean. 12:00etan Euskararen Bila jolasa abiatuko dute. Ekitaldi nagusia 13:00etan gauzatuko da. Horren ostean, herri bazkariaz gozatzeko tartea emango dute. 16:00etan gazteentzako ihes gelaren hiru saioei emango diete hasiera eta 18:15ean bertso poteoari ekingo diote, Julen Zelaieta, Izar Mendiguren eta Sustrai Colinaren kantekin. 15:00etan kontzertuak hasiko dira. Lehenik eta behin, Ilargi folk-rock taldearen txanda helduko da. Gero Saltokan dantza plazak hartuko du oholtza 16:00etan, eta 18:15ean Muganek pop-folk doinuak jarriko ditu. 19:30ean Xsakara artistak trap musika eramango du Luiaondora eta 20:45ean Izate faltsuak talde aiaraldearrak metal kontzertua eskainiko du. Musika eskaintza borobiltzeko, Nikotinak rapa, reggaea eta dance-halla nahastuko ditu 22:00etan.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.