Laudioko Udalak, Ander Añibarro alkatearen eta udalbatzako talde politiko guztietako ordezkarien bitartez, Txani Rodriguez idazle, kazetari eta gidoilari laudioarra omendu du, idazle gisa egindako ibilbidearengatik.
Alkateak, herritar nabarmenenei aintzatespen gisa ematen zaien Txuzoa, herriko elementu sinbolikoa, eman dio. 2021eko urrian, Txani Rodriguezek gaztelaniazko Euskadi Literatura Saria jaso zuen, Los últimos románticos eleberriarengatik. Laudioarrak literaturako dozena bat lan ondu ditu dagoeneko; haur literatura, kontakizunak, komikiak eta eleberriak, besteak beste.