Amonei buruzko istorioak ipuinetan ezagutzeko hitzordua

Dorleta Kortazar narratzaile gipuzkoarra izango da Amurrion. ESKORIATZA.EUS

Dorleta Kortazar narratzaileak 80 amandre aurkeztuko du Amurrioko Katekesian, Aiaraldeko berbalagunen eskutik.

Dorleta Kortazar (Eskoriatza, 1974) ipuin kontalaria da. "Berba" hitza maite du, "berbak dira nire lanerako tresna eta horregatik zaintzen ditut tentuz". Ipuin tradizionalak, berak sortuak eta egile berrienak kontatzen ditu, helduentzat, haurrentzat eta nerabeentzat. "Kontatzen dudanean, bestelako mundu bat posible dela sinesten dudalako. Diote, begiekin eta batez ere irribarrearekin kontatzen dudala, gozo, xamur, euskara garbi eta zainduan".

Amurrioko Katekesi aretoan, 18:00etan, Berbalagunek antolatuta, bere azken lana aurkeztuko du Kortazarrek: 80 amandre, isildutako istorioei ahotsa emateko asmoz sortutako ipuin kontaketa. Lau ipuinez osatuta dago ikuskizuna, eta ordubeteko iraupena du; protagonistak ere lau emakume dira. "Nire amamen istorioak direla esaten dut, baina, azkenean, arketipoekin jokatzen dugu; hau da, nire amamei buruz kontatzen dut, baina nork bere amamak ikusten ditu. Beraz, amama guztiei buruz hitz egiten dut".

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide