Greba mugagabeak 226 egun bete dituen bitartean, ostegun honetan berriro bildu dira Tubacexeko zuzendaritza, enpresa batzordea eta Eusko Jaurlaritzako Lan eta Enplegu Saila. Irailaren 12an hasi ziren negoziazioak, eta ordutik lau bilera egin dituzte. Hala ere, hainbeste itxaropen sortu zuen azken negoziazio mahaiak ez du akordiorik erdietsi; gainera, oraingoz ez dago hurrengo bilera baterako hitzordurik.
Izan ere, langileen ordezkariek salatu dute Eusko Jaurlaritzak joan den astelehenean egindako proposamena aldatu duela, nahitaezko kaleratzeei eta 2021eko doikuntza ekonomikoei eutsiz —besteak beste, soldataren %2ko jaitsiera—. "Enpresaren presioei amore eman diela ulertzen dugu, eta horrek proposamena ez onartzera garamatza", azaldu du enpresa batzordeak komunikatu batean.
Hasieran planteatutako 129 kaleratzeen aurka Auzitegi Gorenak plazaratutako ebazpenaren kontrako helegitea kentzeko prest jarraitzen du zuzendaritzak, baina horretarako hainbat kaleratze mantentzea nahi du; betiere "borondatezkoak", enpresaren arabera.
Enpresa batzordea, ordea, ez dago prest kaleratzeak jasotzen dituen proposamenik onartzeko. Ostiral honetan, tentsio uneak eta suzko barrikadak itzuli dira Laudio eta Amurrioko piketeetara.
#Tubacex-eko zuzendaritza eta @Gob_eus langileei bizkarra ematen ikusi genituen atzo (beste behin).
— Maddi Isasi Azkarraga (@maddisasi) September 24, 2021
Gaur, piketeetan suzko barrikadak berriro. 226 egun eta tinko jarraitzen dute bertan.
Eutsi @tubace_xen! pic.twitter.com/yJQ0m7G0MN
‼️ "El protocolo dice que no tiene que llevar el dedo en el gatillo". Langile bat eraman dute errespetua eskatu eta probokatzeari uztea eskatzeagatik.
— Maddi Isasi Azkarraga (@maddisasi) September 24, 2021
Ez da berria baina gaur ere, zipaioen jarrera probokazioa eta mehatxuak.@jerkoreka noiz arte? pic.twitter.com/SWBtzbmjib