Goikomendiko ikaztegiak estalki berria izango du

Goikomendiko ikaztegia. / AMURRIOKO UDALA

Gabonetarako, Goikomendiko ikaztegiaren estalkia eraberrituko du Amurrioko Udalak, iaz gainean eroritako pago adar batek eta neguan pilatutako elurrak apurtu ostean.

Goikomendiko ikaztegiaren estalkia apurtuta dago. Iaz, pago adar bat teilatu gainera erori ostean, ingurua zigilatuta geratu zen, erortzeko arriskuagatik; ondoren, neguan pilatutako elurrak egitura guztiz hondatu zuen.

Amurrioko Udalak, hainbat aukera aztertu ostean, ikaztegiaren estalkia osorik aldatzea erabaki du. Aste honetan jakinarazi duenez, Gabonetarako, abendurako, prest izango du eraberritutako instalazioa; bi hilabeteko epea izango du kaltetutako egitura desmuntatzeko, kentzeko eta berria jartzeko. Instalazio berriak 9.978 euroko inbertsioa beharko du.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide