Goizaldeko 3:30ak aldera, biktimaren lagunak SOS Deiak 112 zerbitzuarekin harremanetan jarri ziren; azaldu zutenez, mendizalea ondoezik sentitu zen Añes inguruan zihoala, eta bihotz-geldialdia izan zuen.
Mendizalea suspertzeko egindako ahaleginak alferrikakoak izan ziren, eta adierazitako lekura berehala mobilizatu ziren suhiltzaileak, osasun zerbitzuak eta Ertzaintza. Bertan, mediku batek mendizalearen heriotza baieztatu zuen.
Bertaratutako larrialdietako zerbitzuek hildako mendizalearen gorpua berreskuratu zuten, eta Gasteizko Auzitegiko Patologia Zerbitzura eraman.