Ostegun honetan, greba mugagabearen testuinguruan martxoaren 25ean egindako pikete batean salatutako hiru langileek Amurrioko epaitegian deklaratu behar izan dute, desordena publikoak eta agintaritzaren aurkako atentatua egotzita. Inplikatutako alde guztien deklarazioak entzun ostean, epaileak ebatziko du epaiketa egingo den ala ez.
Kideek elkartasuna adierazteko protesta deitu dute epaitegiaren aurrean, eta tentsio uneak bizi izan dira bertan. Ertzaintzak eraikinaren aurreko espaloitik atzera egitera behartu nahi izan ditu langileak, baina hauek uko egin diote. Ondorioz, Brigada Mugikorra agertu da eta gutxienez bi karga egin ditu; horietako batean, protesta egiten ari zen langileetako bat atxilotu egin dute.
"Elkartasuna adieraztea izan da egin duten delitu bakarra. Langileen arteko elkartasuna ez da delitua", adierazi du LAB sindikatuak, langileen deklarazio-hartzearen aurrean plazaratutako oharrean. Halaber, enpresa batzordeak mobilizazio ugari deitu ditu datozen ekainaren 21ean eta 22an, EEEaren epaiketen aurrean.
Hoy estamos frente a los juzgados de Amurrio para apoyar a nuestros compañeros imputados por los piketes.#TubacexBorrokan pic.twitter.com/958YhVeshD
— TUBACEXenLUCHA (@tubace_xen) June 17, 2021
Como excepción hoy han venido también los beltzas (nos echarían de menos), a pesar de que hemos demostrado que somos pacíficos. pic.twitter.com/P6Q6wx74yN
— TUBACEXenLUCHA (@tubace_xen) June 17, 2021
‼️‼️ Zipaioak kargatzen ari dira, epaitegiaren kanpoan elkartasuna adierazten ari zen jendearen kontra.
— Maddi Isasi Azkarraga (@maddisasi) June 17, 2021
Hau izugarria da, herri erdian eta epaitegien aurrean ere ez dira lotsatzen! pic.twitter.com/t1925FWz5N
Martxoaren 25eko piketea
Tubacexeko langileen greba mugagabearen testuinguruan, tentsio handia bizi izan zen martxoaren 25eko piketean. Besteak beste, langileek suzko barrikada bat piztu zuten, eta Ertzaintzaren kargak hainbat zauritu utzi zituen, foam balak eta borrak erabilita. Poliziak, gainera, tanketa bat eraman zuen Ertzaintzak, barrikada mugitzeko.