Tubacexeko grebak 111 egun bete eta enpresak bere proposamena baztertzeak duen "arriskuaz" ohartarazi duenean, 2.000 lagun baino gehiago atera dira kalera.
Gehiengo sindikalak (ELA, LAB, ESK eta STEILAS) eta eskualdeko eragile sozialek deituta, besteak beste, Aiaraldeko enpresa batzordeek, gazte mugimenduak, mugimendu feministak, pentsiodunek, merkatari zein ostalariek, hezkuntza zein zerbitzu publikoetako langileek, eta Zabaleko Bizirik plataformak egin dute bat SOS Aiaraldea izeneko fronte zabalak deitutako mobilizazio egunarekin.
Aiaraldea "etorkizunik gabe" geratzen ari dela salatu eta etorkizun hori bermatzeko neurriak eskatu dituzte, eskualdeak bizi duen egoera kezkagarriaren aurrean. Izan ere, enpresa ugariren itxiera, kaleratzeak eta lan baldintzen prekarizazioa eguneroko ogi bihurtu dira, eta testuinguru horretan "eskualdearen aldeko apustu argi eta irmoaren aldeko konpromiso instituzional eza" salatu dute.
Lanuzteak eta bi manifestazio
Fronte zabalaren lehen urratsa eskualde mailako mobilizazio eguna antolatzea izan da, eta "egun historiko" gisa baloratu dute, urrats gehiago prestatu bitartean. Goizean, 10:00etatik 14:00etara lau orduko lanuzteak egin dituzte sektore guztietako enpresetan, saltokietan eta ostalaritzan izan ezik. Izan ere, azken horiek negozioak itxi dituzte manifestaziorako (gauza bera egingo dute arratsaldean), eta protesta bisualak egin dituzte erakusleihoetan.
Horrez gain, egunak bi mobilizazio handi izango ditu: lehen manifestazioa 11:00etan abiatu da Laudioko Herriko Plazatik, eta ehunka pertsona bildu ditu. Arratsaldean, 19:00etan, Amurrioko Juan de Urrutia Plazatik eguneko bigarren manifestazioa irtengo da.
"Aiaraldea larrialdi egoeran dago; defenda dezagun gure etorkizuna", aldarrikatu dute SOS Aiaraldea manifestuan.
Irudiak
Laudioko kaleak hartuko ditugu instituzioek eskualde oso baten ahotsa entzun dezaten!
— Aiaraldeko Greba Batzordea (@AiaraldeaGreba) June 2, 2021
Tomamos las calles de Laudio una vez más, para que las instituciones públicas escuchen la voz de todo un eskualde!#SOSAiaraldea pic.twitter.com/bjDdvLN5Ky
Mobilizazioa Laudioko Instituto paretik igarotzen ari den unean, jolastokiko ikasle guztiak txaloka ari dira.
— Aiaraldeko Greba Batzordea (@AiaraldeaGreba) June 2, 2021
Besteak beste, @zabalekobizirik blokearen aldarrikapena den "Gora eskola publikoa" txalotzen. pic.twitter.com/4Uy4KzLor2
Beste behin ere IZUGARRIA! Laudioko kaleak txiki geratu zaizkigu!
— Aiaraldeko Greba Batzordea (@AiaraldeaGreba) June 2, 2021
IMPRESIONANTE una vez más, Aiaraldea! pic.twitter.com/aN2Zln7Hk4
BORROKA DA BIDE BIDE BAKARRA!
— Aiaraldeko Greba Batzordea (@AiaraldeaGreba) June 2, 2021
Plaza betetzen hasi gara! pic.twitter.com/VDPChdVxf8
Interpelamos al gobierno vasco y a las instituciones públicas y entidades locales a que atiendan las reivindicaciones de la ciudadanía y asuman sus respondabilidades.
— Aiaraldeko Greba Batzordea (@AiaraldeaGreba) June 2, 2021
Instamos a que articulen políticas necesarias para un modelo social que ponga la vida en el centro. pic.twitter.com/pCYmx2eHku
Eredu gara kaleak pausoz bete eta gure aldarrikapenekin laguntzen ditugunean, antolatzen garenean eta lagunei sostengua ematen diegunean.
— Aiaraldeko Greba Batzordea (@AiaraldeaGreba) June 2, 2021
Elkartasuna gara, batasuna gara, borroka nekaezina gara ✊
Duintasuna gara eta hori ezin dute autobusetan beste eskualde batera eraman!!! pic.twitter.com/vB6vWuEuj6
La libertad es una batalla constante.
— Aiaraldeko Greba Batzordea (@AiaraldeaGreba) June 2, 2021
Aiaraldea no va a permitir más treguas, la historia la escribimos nosotras, el eskualde, y tenemos claro que vamos a continuar con esta lucha!
JOTAKE IRABAZI ARTE!
GORA AIARALDEA BORROKALARIA!
GORA LANGILEON BORROKA!
GORA ZUEK! pic.twitter.com/cjY4sp1a94
Tubacexeko langileen greba, aurrera
Aste honetan, Tubacexeko langileen batzordeak zuzendaritzaren proposamenari uko egin ostean ohartarazi du enpresak grebarekin jarraitzeak Arabako lantegien etorkizuna arriskuan jar dezakeela. Tubacexeko zuzendaritzak adierazi duenez, grebari eusteak "mehatxu larria" egiten die Laudioko eta Amurrioko lantegiei, eta "ondorio itzulezinak" izan ditzake, besteak beste, "merkatuaren egoera ahulagatik".
Gainera, eskaintzari uko egin izanak "harritu" egin duela esan du enpresak, eta adierazi du bezeroen galera eta grebaren kostuak "konponezinak" direla, eta horrela "eskaera berriak lortzea ezinezkoa" dela. Proposamenaren arabera, 2024ra arte enplegua mantenduko litzateke Laudioko eta Amurrioko lantegietan (TTI eta Aceralava, hurrenez hurren), eta hainbat hobekuntza legoke kaleratuen kalte-ordainetan.
Alta, 129 kaleratzeei eutsi die zuzendaritzak, eta hain zuzen hori da proposamenari uko egiteko sindikatuek eman duten arrazoi nagusia. EEEa eta kaleratzeak bertan behera uztea nahitaezko baldintza dela azpimarratu dute langileek. Beraz, enpresari eskatu diote negoziazio aldi bat irekitzeko, "pandemiaren eragin koiunturala leuntzeko neurriak bilatzeko".
