Pertsona bat hil da Luiaondon, lau ibilgailuren arteko istripu batean

Erredakzioa 2021ko mai. 11a, 12:20
Istripua A-625 errepidean gertatu da. / Argazkia: Aiaraldea.eus

11:00ak aldera, hiru auto eta monobolumen baten arteko istripua gertatu da A-625 errepidean, Luiaondon (Aiara), eta hainbat pertsona zauritu dira. Horietako bat hil da.

Astearte honetako 10:55ean, istripu larria jazo da A-625 autobideko 363,5 kilometroan, Luiandon (Aiara), Laudiorako noranzkoan. Gidarietako bi gidari ibilgailuetan harrapatuta geratu dira, eta suhiltzaileek esku hartu behar izan dute. Istripuak hainbat zauritu utzi ditu, eta horietako bat hil egin da jasandako lesioen ondorioz; beste gidaria ospitalera eraman dute.

Luiaondora sartzeko saihesbidearen inguruan gertatu da hiru auto eta monobolumen baten arteko ezbeharra; Murgatik iristen diren autoak igarotzen dira bertatik.

Suhiltzaileak, Ertzaintza eta larrialdi zerbitzuak bertaratu dira, eta, une honetan, errepidea bi noranzkoetan moztuta dago saihesbidean. Ertzaintzak trafikoa desbideratu du: A-624 errepidetik Bilbo-Amurrio norabidean; Aretako biribilgunetik (Arrankudiaga) A-2522 errepidetik, Orozkoko norabidean; eta A-3632 errepidetik Okondorantz joateko.

Gainera, Ertzaintzak ikerketa abiarazi du istripua nola gertatu den argitzeko. Kontuan hartu behar da azken urteetan hainbat pertsona hil direla A-625 errepideko puntu beltz horretan.

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide