Aldizkako udal zerga guztien ordainketa erraztu aldera, Amurrioko Udalak ordainketarako pasabide berria martxan jarri du. Erakundearen esanetan, sistema berriak kudeaketa erosoagoa bihurtuko du, eta ordainketa erraztuko du.
Aurreratu dutenez, edozein banketxetako txartelarekin egin ahal izango da ordainketa, TPV aukera markatuta. Aurrekoan, Kutxabankekin eta Laboral Kutxarekin baino ezin zen egin.
"Ordainketarako pasabidea, zenbait tasa eta zerga ordaintzeko lehendik ere bazegoen tresna da, baina orain, zergadunei kudeaketa errazteko helburuarekin, zerga-erroldaren bitartez izapidetzen diren tasa guztiak sartu dira. Modu azkarra eta segurua da, eta kreditu txartel baten bidez egin daiteke etxetik", azaldu du Txerra Molinuevo Amurrioko alkateak.