Eguna iristear da: Tubacexeko zuzendaritzak iragarritako 129 kaleratzeak gauzatuko ditu ostegunean, apirilaren 15ean. Bitartean, langileek 63 egun bete dituzte greba mugagabean, eta gaur pikete masiboa —bi lantegietako langile guztiekin— deitu dute Amurrioko lantegian. Fabrikako sarreran suzko barrikada bat piztu dute, zuzendaritzaren autobusari bidea oztopatzeko.
Aldi berean, zuzendaritzaren autobusak Laudioko lantegian sartu dira, arazo handirik gabe baina poliziaren presentzia handiarekin.
Beraz, biharko eguna erabakigarria izango da Aiaraldeak bizi duen lan gatazka gogorrean. Tubacexeko zuzendaritzak badaki eta, sindikatuek salatu dutenez, langileei banan-banan deitzen ari da lanera joan daitezen.
Horren aurrean, enpresa batzordeak kalean geldituko diren lankideei babesa emateko deia zabaldu du plantillaren artean, greba mugagabea eten ez dadin. "Denok gaude itsasontzi berean eta helburu berarekin: lanera itzultzea kaleratze traumatikorik gabe", azpimarratu dute. Gainera, deiak grabatzeko gomendatu die lankideei, telefonoaren bestaldeko solaskidea informatuz.
Greba mugagabearen 63. egunaren jarraipena egiten ari da AIARALDEA hedabidea. Xehetasun gehiago topatuko dituzue hemen.
???????? Suzko barrikada Tubacexen, 129 kaleratzeak gauzatuko diren egunaren bezperan ➡️ https://t.co/ZLu4PdN1uP
— Arabako ALEA (@ArabakoALEA) April 14, 2021
☎️ Zuzendaritza langileei banan-banan deitzen ari da lanera joan daitezen. Batzordeak lankideei babesa emateko dei egin du.
????️ @SortuAiaraldea pic.twitter.com/ARnH8BiZRS
Gora Langileon Borroka !!#tubacex #TubacexBorrokan #TubacexKaleratzerikEz pic.twitter.com/UWF9UxvrCr
— Iñaki Montes (@inaki_montes) April 14, 2021