Mintegietako karobiak itxura berria du dagoeneko. Esku-hartzea labearen ahoaren aurrean dagoen biltegian zentratu da, egonkortasunaren aldetik egoera kaxkarrean zegoelako. Karobiaren hodian, berriz, konponketa gutxi egin behar izan dituzte, lanen kontrol arkeologikoaz arduratu den Ondare Babesa enpresaren arabera. Diotenez, zegoena kontserbatzera mugatu dira.
Laudioko Udalarena da orain karobia, eta udalerriko ezaugarri etnografiko garrantzitsua da. Eraikinaren egoera kaskarra ikusita, iaz leheneratze lanei ekitea erabaki zuen Udalak, eta horretarako 32.390 euro bideratu zituen. Otsailean, berriz, lanen gaineko kontrol arkeologikoa iragarri zuten.
Frantses tankerako karobia da, beste batzuk baino modernoagoa. Eredu horretan, kareharria eta erregaia geruzetan tartekatzen zen, karea lortzeko. Gutxi gorabehera, 1950. urtera arte egon zen bertan lanean Lazaro Eskuza laudioarra.