Aurten ez da San Prudentziorik ospatuko Amurrion. Ez behintzat, ohiko moduan. Bigarren aldiz, pandemia dela eta, ospakizunak bertan behera uztea erabaki du Udalak. Ez da, beraz, danborradarik izango, ezta janari herrikoirik ere. "Erantzukizun kolektiboa" argudiatu du Udalak ospakizun guztiak bertan behera uzteko.
"Jende pilaketak ahalik eta gehien ekidin behar ditugu, gure udalerrian izaten ari den kasuen eragin txikiari eusteko", azaldu du, prentsa ohar baten bitartez, Txerra Molinuevo alkateak.
Jaiegunaren bezperan, apirilaren 27an, danborradaren soinua jarriko dute kaleko megafoniaren bitartez, eta San Prudentzio eguneko goizean zehar musika zabalduko dute.
Arabako ospakizunei dagokienez, ostiral honetan aurkeztuko ditu Aldundiak urte honetarako dituen planak. Oionen kasuan, udalak oraindik ez du iragarri zer egingo duten. Amurrion bezala, iaz Oionen balkoietatik egin behar izan zuten danborrada.