Durangoko Azoka aurten Euskal Herriko hamaika txokotara zabalduko da, eta hainbat kontzertu eskainiko ditu Zu non, han da! egitasmoaren bidez.
Amurrio izango da eszenatoki horietako bat; Sara Zozayak kontzertua eskainiko du hurrengo astelehenean, abenduaren 7an, 19:00etan Burubio aretoan.
Zozayaren lana aurten "Euskal Herriko eta estatuko proposamen fresko eta oparoenetako" gisa deskribatu dute. Orain itxi duen (I) ('Bat' gisa ahoskatu daiteke), bere bakarkako bigarrena da, eta pop alternatiboa eta erritmo elektronikoak euskal musikaren tradizioarekin uztartzen ditu.
Zozayaren kontzertuaren aurretik, abenduaren 6an, Izate Faltsua eta Romeo taldeak igaroko dira Burubiotik.