Segurtasun Sailak jakitera eman duenez, bi lagun zauritu dira motozikleta batek harrapatuta, Luiaondoko baso-pista batean. Gidariak ihes egin du, eta Ertzaintza haren bila dabil.
San Lorentzo ermitatik gertu dagoen pistan gertatu da, 13:00ak aldera. Ertzaintza eta suhiltzaileak bertaratu dira, eta zaurituak Galdakaoko Ospitalera eraman dituzte helikoptero batean.
Bi zaurituei laguntza bila zihoala ziurtatu ondoren, alde egin du motozikletaren gidariak. Oraingoz, Ertzaintzak ezin izan du identifikatu, eta herritarren laguntza eskatu du.